لیجنڈری بالی ووڈ اداکار امیتابھ بچن کی نواسی ناویا نویلی نندا نے اپنے ایک اور ہنر کا شاندار مظاہرہ کرتے ہوئے مداحوں کے دل جیت لیے۔
اس مرتبہ 25 سالہ ناویا نے پیانو پر ممبئی میں ٹریفک کی آوازوں پر مشتمل دھن بجا کر مداحوں کو حیران کردیا۔
انہوں نے فوٹوز اینڈ ویڈیوز شیئرنگ ایپ انسٹاگرام پر اپنی یہ ویڈیو پوسٹ کی، جس میں انہیں انتہائی نفاست کے ساتھ پیانو پر دھن ترتیب دیتے ہوئے دیکھا جاسکتا ہے۔
ناویا کی یہ مہارت دیکھنے کے بعد سوشل میڈیا صارفین بھی حیران رہ گئے اور تبصروں کے ذریعے انہیں داد دیے بغیر نہ رہ سکے۔
ایک صارف نے تحریر کیا کہ یہ تو بہت ہی سریلی دھن ہے جبکہ ایک نے خواش ظاہر کی کہ جب آپ یہ دھن بجائیں تو میں آپکے برابر میں بیٹھ کر یہ سنوں۔
یہی نہیں بلکہ ناویا کی پوسٹ پر فلم انڈسٹری سے تعلق رکھنے والی شخصیات نے بھی ان کی اس مہارت کو خوب سراہا۔
