صوبۂ بلوچستان میں بارش برسانے والا مغربی سسٹم داخل ہو چکا ہے جس کے تحت آج دوپہر سے بلوچستان کے شمال مشرقی علاقوں میں بارش متوقع ہے۔
صوبائی ڈیزاسٹر مینجمنٹ اتھارٹی (پی ڈی ایم اے) کے مطابق بارش برسانے والے مغربی سسٹم کے تحت کوئٹہ، خاران، چمن، زیارت، قلعہ عبداللّٰہ، قلعہ سیف اللّٰہ، لورالائی، پشین، زیارت، ہرنائی اور مسلم باغ میں بارش کا امکان ہے۔
بلوچستان کے علاقے ژوب، موسیٰ خیل، سبی، مستونگ، قلات، نوشکی اور چاغی میں بھی بارش ہو سکتی ہے۔
پشاور کا موسم کیسا رہے گا؟
محکمۂ موسمیات کے مطابق خیبر پختون خوا کے دارالخلافہ پشاور میں مطلع جزوی ابر آلود، موسم خشک اور سرد رہنےکا امکان ہے۔
پشاور میں کم سے کم درجۂ حرارت 13 ڈگری سینٹی ریکارڈ ہوا جبکہ زیادہ سے زیادہ 29 ڈگری سینٹی گریڈ تک بڑھنے کا امکان ہے۔
پشاور کی ہوا میں نمی کا تناسب 89 فیصد تک ریکارڈ ہوا ہے۔
محکمۂ موسمیات کا یہ بھی کہنا ہے کہ خیبر پختون خوا میں سب سے کم درجۂ حرارت کالام میں صفر ڈگری سینٹی گریڈ ریکارڈ کیا گیا ہے۔
