چیئرمین پاکستان تحریک انصاف( پی ٹی آئی) عمران خان نے کہا ہے کہ نواز شریف ہمیشہ امپائر کو ساتھ ملا کر کھیلتے ہیں۔
اڈیالہ جیل میں چیئرمین پی ٹی آئی سے ملاقات کے بعد وکیل گوہر خان نے سابق وزیراعظم کا پیغام میڈیا کو دیا۔
انہوں نے بتایا کہ اس بار نواز شریف کی کوشش ہے کہ ہماری پوری ٹیم کو کھیلنے ہی نہ دیا جائے۔
گوہر خان نے مزید کہا کہ چیئرمین پی ٹی آئی کہتے ہیں کہ وہ الیکشن کمیشن اور سپریم کورٹ سمیت متعلقہ اداروں سے لیول پلیئنگ فیلڈ کا مطالبہ کرتے ہیں۔
اُن کا کہنا تھا کہ لیول پلیئنگ فیلڈ نہ ملنے پر الیکشن متنازع ہوجائیں گےجبکہ چیئرمین پی ٹی آئی نیب کیس میں سپریم کورٹ میں پیش ہونا چاہتے ہیں۔
