پاکستان شوبز انڈسٹری کی معروف اداکارہ صبا فیصل دوسری بار دادی بن گئیں، انہوں نے ننھے مہمان کی تصاویر بھی شیئر کر دیں۔
فوٹو اینڈ ویڈیو شیئرنگ پلیٹ فارم انسٹا گرام پر اداکارہ نے اپنے بڑے بیٹے سلمان فیصل اور بہو نیہا سلمان کے دوسرے بچے کے ساتھ تصاویر شیئر کی ہیں۔
انہوں نے ان تصاویر کے ساتھ کیپشن میں لکھا ہے کہ ماشاء اللّٰہ! میں بھری پوری ہوں اور ساتھ ہی انہوں نے دونوں ہاتھ جوڑنے والے ایموجی کا اضافہ کیا۔
صبا فیصل کی جانب سے شیئر کی گئی تصاویر میں ان کے بیٹے اور اداکار سلمان فیصل اور ان کی اہلیہ نیہا فیصل کو بھی دیکھا جا سکتا ہے، نیہا سلمان اسپتال کے بستر اور اسپتال کے یونیفارم میں ملبوس ہیں۔
اداکارہ صبا فیصل کے گھر آئے اس ننھے مہمان کے بارے میں یہ تو معلوم نہ ہو سکا کہ یہ لڑکی ہے یا لڑکا ہے، تاہم تصاویر میں سفید اور نیلے رنگ کے امتزاج کی چادر اس بات کا عندیہ ہے کہ ان کے یہاں پوتے کی آمد ہوئی ہے۔
اداکارہ کو ان کی انسٹا اسٹوری میں مٹھائی کی دکان سے مٹھائی کی خریداری کرتے ہوئے بھی دیکھا جا سکتا ہے جبکہ ان کے دوسرے بیٹے اور اداکار ارسلان فیصل کی انسٹا اسٹوری کے مطابق اداکارہ لاہور میں ہیں۔
خیال رہے کہ حال ہی میں صبا فیصل نے اپنی بہو نیہا سلمان سے تمام رنجشیں ختم کر کے انہیں سالگرہ کے موقع پر مبارک باد دی تھی۔
اداکار سلمان فیصل اور نیہا سلمان کی شادی 2019ء میں ہوئی تھی، ان کا اس سے قبل ایک بیٹا ہے۔
