سابق بھارتی کوچ روی شاستری کا کہنا ہے کہ اگر اب نہیں جیتے تو اگلے تین ورلڈ کپ تک انتظار کرنا پڑے گا۔
ایک پوڈ کاسٹ کے دوران روی شاستری کا کہنا تھا کہ موجودہ بھارتی اسکواڈ کے زیادہ تر کھلاڑی اپنے عروج پر ہیں۔
روی شاستری کا کہنا تھا کہ یہ ملک پاگل ہوچکا ہے، آخری مرتبہ ٹیم نے 12 سال قبل عالمی کپ جیتا تھا اب ان کے پاس ایک مرتبہ پھر ایسا کرنے کا موقع ہے۔
اپنی بات جاری رکھتے ہوئے سابق بھارتی کوچ اور موجودہ کمنٹیٹر کا کہنا تھا کہ جس طرح ٹیم کھیل رہی ہے اس کے مطابق یہ ممکنہ طور پر ٹیم کے پاس آئی سی سی ٹائٹل جیتنے کا سنہری موقع ہے۔
انہوں نے خبردار کیا کہ اگر اس مرتبہ ٹیم جیتنے میں کامیاب نہ ہوئی تو انہیں ممکنہ طور پر آئندہ تین ورلڈ کپ تک صرف یہ سوچنے کا انتظار کرنا پڑے گا کہ یہ ورلڈ کپ جیتیں گے۔
انہوں نے کہا کہ جو 7 سے 8 کھلاڑی عروج پر ہیں ان کا یہ آخری ورلڈ کپ ہوسکتا ہے۔
