چیئرمین پاکستان کرکٹ بورڈ (پی سی بی) منیجمنٹ کمیٹی ذکا اشرف سے سابق کرکٹرز کی ملاقات ختم ہوگئی، سابق کرکٹرز نے ذکا اشرف کو جلدبازی میں تبدیلیاں نہ کرنے کا مشورہ دیا۔
ذرائع نے بتایا کہ سابق کپتان یونس خان، سہیل تنویر اور وہاب ریاض نے ذکا اشرف سے ملاقات کی۔
ذرائع کے مطابق سابق کپتان یونس خان، سہیل تنویر اور وہاب ریاض نے چیئرمین کو جلد بازی میں تبدیلیاں نہ کرنے کا مشورہ دیا اور کہا کہ ٹی ٹونٹی ورلڈ کپ کو مدِنظر رکھ کر پلاننگ کی جائے۔
سابق کرکٹرز نے کہا کہ ون ڈے میچز میں ایک سال کا وقفہ کے ابھی اس کی فکر نہ کی جائے۔
سابق کھلاڑیوں نے ڈومیسٹک کے پرفارمرز کو اہمیت دینے کا مشورہ دیا اور یہ بھی کہا کہ پی ایس ایل کی بنیاد پر سلیکشن نہ کی جائے، فارمیٹ کے مطابق ٹیم کا انتخاب کیا جائے۔
