فیفا ورلڈکپ کوالیفائر پاکستان اور تاجکستان کے درمیان میچ کل ہوگا

پاکستان اور تاجکستان کے درمیان فیفا ورلڈکپ کوالیفائر کا میچ کل کھیلا جائے گا۔ تفصیلات کے مطابق گروپ جی کی ٹیمیں پاکستان اور تاجکستان کل اسلام آباد کے جناح گراؤنڈ میں مد مقابل ہوں گی، اس حوالے سےتاجکستان فٹبال ٹیم کے کوچ پیٹر سائیگرڈ نے کہا ہے کہ پاکستان اور تاجکستان کے میچ میں جیت فٹبال کی ہوگی، پاکستان آمد پر گرم جوشی سے استقبال کیا گیا۔پیٹر سائیگرڈ کا کہنا تھا کہ دونوں ٹیموں کے درمیان جارحانہ میچ کی امید ہے۔ انہوں نے کہا کہ فیفا ورلڈکپ کوالیفائر کا میچ پاکستان اور تاجکستان دونوں کےلیے اہم ہوگا، دونوں ٹیموں کی میچ جیتنے کی کوشش ہوگی۔تاجک ٹیم کے کوچ کا کہنا تھا کہ پاکستان بہت مہمان نواز ملک ہے۔واضح رہے کہ اس گروپ کے ابتدائی میچز میں سعودی عرب نے پاکستان کو 0-4 سے شکست دی تھی جبکہ اردن اور تاجکستان کا میچ 1-1 گول سے برابر رہا تھا۔