نیدرلینڈز کی جانب سے اسرائیل کو ایف 35 طیاروں کے پارٹس دینے کے معاملے پر نیدرلینڈز کی عدالت نے حکومت کو لڑاکا طیارے کے پارٹس دینے سے روک دیا۔
دی ہیگ سے خبر ایجنسی کے مطابق عدالت نے عالمی قانون کی اسرائیلی خلاف ورزیوں پر ایکسپورٹ روکنے کا فیصلہ دیا ہے۔
عدالت نے کہا کہ حکومت کو اس کے فیصلے پر 7 روز کے اندر عمل کرنا ہے۔ اپیل کورٹ نے حکومت کی فیصلہ معطل کرنے کی درخواست بھی مسترد کر دی۔
خبر ایجنسی نے کہا کہ حکومت اپیل کورٹ کے فیصلے کے خلاف سپریم کورٹ جا سکتی ہے۔
خبر ایجنسی کے مطابق اپیل کورٹ میں انسانی حقوق تنظیموں نے حکومت کے خلاف درخواست دائر کی تھی۔
