ایرانی صدر کی پاکستان آمد پر عام تعطیل کا اعلان

کراچی: ایران کے صدر ابراہیم رئیسی کی پاکستان آمد کے موقع پر کراچی میں عام تعطیل کا اعلان کر دیا گیا۔کمشنر کراچی سید حسن نقوی کی جانب سے جاری نوٹیفکیشن کے مطابق کراچی ڈویژن میں تمام نجی و سرکاری دفاتر اور تعلیمی ادارے 23 اپریل 2024 کو بند رہیں گے۔غیر ملکی مہمانوں کی آمد پر کمشنر کراچی ڈویژن نے تعطیل کا نوٹیفکیشن جاری کیا ہے۔ایرانی صدر ابراہیم رئیسی کل دو روزہ سکاری دورے پر پاکستان پہنچیں گے۔ نئی حکومت کے قیام کے بعد کسی بھی سربراہ مملکت کا یہ پاکستان کا پہلا دورہ ہوگا۔اعلیٰ سطح کا وفد بھی مہمان صدر کے ہمراہ ہوگا۔ ابراہیم رئیسی اپنے ہم منصب صدر آصف علی زرداری اور وزیر اعظم شہباز شریف سمیت دیگر اہم شخصیات سے ملاقات کریں گے۔دورے کے دوران پاکستان ایران تعلقات کو مزید مضبوط بنانے، تجارت، رابطے، توانائی اور زراعت سمیت مختلف شعبوں میں تعاون بڑھانے پر بات ہوگی۔ایرانی صدر منگل کو کراچی پہنچیں گے جہاں وہ صوبائی حکام سے ملاقاتیں کریں گے۔

اپنا تبصرہ بھیجیں