کراچی سیف سٹی منصوبے کیلئے رقم جاری

کراچی میں سیف سٹی منصوبے کیلئے 3 ارب سے زائد کی رقم جاری کر دی گئی۔وزیر داخلہ سندھ ضیا لنجار کا کہنا ہے کہ کراچی سیف سٹی منصوبےکا پہلا مرحلہ 12 ماہ میں مکمل کرنےکی ہدایت کی ہے، منصوبے سے شہر قائد میں جرائم کی شرح میں کمی اور خاتمے میں مدد ملے گی۔ضیا لنجار نے یہ بھی بتایا کہ دوسرے مرحلےمیں کراچی کو مکمل کور کرنےکی کوشش کی جائے گی،کراچی کے بعد صوبے کے دیگر شہروں میں بھی سیف سٹی منصوبے کو وسیع کیا جائے گا۔انہوں نے مزید کہا کہ کوئی حکومت نہیں چاہتی کہ جرائم کی وارداتیں ہوں، امن و امان کی صورتحال میں بہتری آ رہی ہے، یہ نہیں کہتا صورتحال مکمل بہتر ہے مگر صورتحال بہتر ضرور ہو رہی ہے۔