نیو جرسی میں دھماکہ خیز مواد لے کر جانے والے ٹرالر بیریئرسے ٹکرا گیا

 امریکی ریاست نیو جرسی میں دھماکا خیز مواد لے کر جانے ولا ٹرالر بیریئرسے ٹکرا گیا ،آگ بھڑک اٹھی ، ڈرائیورجھلس کر ہلاک ہو گیا۔غیر ملکی خبررساں ادارے کے مطابق یہ واقعہ امریکی ریاست نیوجرسی میں پیش آیا جہاں ہائی وے پر ایک ٹرالر دھماکا خیز کیمیکل لے جا رہا تھا جو ہائی وے پر موجود ایک بیرئیر سے ٹکرا گیا جس کے سبب دھماکے سے دیکھتے ہی دیکھتے ٹرالر میں آگ لگ گئی۔انتظامیہ کی جانب سے بتایا گیا کہ واقعہ میں 55 سالہ ڈرائیور جھلس کر ہلاک ہوگیا جبکہ ہائی وے کے قریب موجود بیشتر گھروں کو خالی کروالیا گیا ۔ انتظامیہ کے مطابق حادثے کے بعد جائے وقوعہ سے ہوا اور پانی کے نمونوں کا ٹیسٹ کیا گیا جس میں کیمیکل کی موجود نہیں پائی گئی اور علاقے کو کلیئر قرار دیا گیا۔