کروڑوں روپے مالیت کے ٹیکس ریفنڈز اسکینڈل کے معاملے میں وفاقی تحقیقاتی ادارے ایف آئی اے لاہور کی تحقیقات میں پیشرفت ہوئی ہے۔
ایف آئی اے نے ممبر آپریشن ایف بی آر میر بادشاہ وزیر کو ذاتی حیثیت میں طلب کرلیا۔
نوٹس کے مطابق میر بادشاہ سے ایل ٹی او لاہور کی جانب سے 5 سال میں ریفنڈز کی ادائیگی کا ریکارڈ بھی طلب کیا گیا ہے۔
ذرائع کے مطابق میر بادشاہ ذاتی طور پر ایف آئی اے کی تحقیقاتی ٹیم کے سامنے آج پیش نہیں ہوئے۔ انہوں نے اینٹی منی لانڈرنگ سرکل ایف آئی اے میں اپنا تحریری جواب جمع کرا دیا۔
