کیلیفورنیا کے جنگلات میں لگی آگ امریکا کی سب سے بڑی آتشزدگی قرار

کراچی(نیوزڈیسک)شمالی کیلیفورنیا میں جنگلات میں لگی پارک فائر ریاست کیلیفورنیا کے بعد امریکا کی بھی سب سے بڑی آگ قرار دے دی گئی۔ 24گھنٹوں میں آگ کا سائز دو گنا سے بھی زائد ہوگیا۔ساڑھے تین لاکھ ایکڑ اراضی تک پھیلنے والی آگ پر اب تک صرف 10فیصد تک قابو پایا جاسکا۔حکام کے مطابق آگ نے 134ڈھانچے کو تباہ کر دیا۔ متعدد علاقے خالی کروائے گئے ہیں۔ امریکی صدر جو بائیڈن نے اپنی ٹیم کو آگ پر قابو پانے کی کوششوں میں ہر قسم کے تعاون کرنے کی ہدایت کردی۔