لاہور کی ایس ایس پی انویسٹی گیشن انوش مسعود کا تبادلہ منسوخ کردیا گیا، انہیں گزشتہ صبح تبدیل کرکے اسٹیبلشمنٹ ڈویژن اسلام آباد رپورٹ کرنے کا حکم دیا گیا تھا۔
ایس اینڈ جی اے ڈی کے نوٹیفکیشن کے مطابق ایس ایس پی انویسٹی گیشن انوش مسعود کے تبادلے کے احکامات واپس لے لیے گئے ہیں۔
اس سےقبل ان کا تبادلہ کرکے ریلیو بھی کردیا گیا تھا، ان کی جگہ محمد نوید کو ایس ایس پی انویسٹی گیشن تعینات کیا گیا تھا۔
ذرائع کےمطابق انوش مسعود نے 9 مئی کے ملزمان سے تفتیش کرکے چالان جمع کرانے میں اہم کردار ادا کیا تھا۔
واضح رہے کہ لاہور میں پہلی خاتون ایس ایس پی انویسٹی گیشن تعینات ہونے پر ایک گروپ ان کی مخالفت کر رہا تھا۔
