پیٹرولیم مصنوعات کی قیمتوں میں رد و بدل کردیا گیا۔
پیٹرول کی قیمت میں ایک روپے 35 پیسے فی لیٹر اضافہ کر دیا گیا، جس کے بعد پیٹرول کی نئی قیمت 248 روپے 38 پیسے فی لیٹر مقرر ہوگئی، ہائی اسپیڈ ڈیزل 3 روپے 85 پیسے فی لیٹر مہنگا ہوگیا، ہائی اسپیڈ ڈیزل کی نئی قیمت 255 روپے 14 پیسے فی لیٹر مقرر کی گئی۔
نوٹیفکیشن کے مطابق مٹی کے تیل اور لائٹ ڈیزل آئل کی قیمتوں میں کمی کر دی گئی۔
مٹی کے تیل کی قیمت میں 1 روپے 48 پیسے فی لیٹر کمی کی گئی، جس کے بعد مٹی کے تیل کی نئی قیمت 161 روپے 54 پیسے فی لیٹر مقرر کردی گئی۔ جبکہ لائٹ ڈیزل آئل کی قیمت میں 2 روپے 61 پیسے فی لیٹر کمی کر دی گئی۔
پیٹرولیم مصنوعات کی نئی قیمتوں کا اطلاق رات بارہ بجے سے ہوگا۔
