انیس بزمی کی بھول بھلیاں 3 اور روہت شیٹی کی سنگھم اگین اس دیوالی پر ایک ساتھ ریلیز کی گئیں۔ جن میں بالترتیب کارتک آریان اور اجے دیوگن نے مرکزی کردار نبھایا۔
بھارتی میڈیا کی رپورٹ کے مطابق تین ہفتوں بعد کے اعداد و شمار سے ظاہر ہوتا ہے کہ انیس بزمی کی ہارر کامیڈی نے سب کو ہلا کر رکھ دیا ہے، یہاں تک کہ عامر خان نے بھی بھول بھلیاں 3 کی تعریف کی ہے۔
سوشل میڈیا پر ایک ویڈیو میں بالی ووڈ کے مسٹر پرفیکشنسٹ نے کہا کہ سنگھم اگین کے میکرز نے بڑی غلطی کی جو انہوں نے اس فلم کے ساتھ ٹکراؤ کیا۔
مختصر ویڈیو میں عامر خان نے ہدایتکار انیس بزمی سے کہا کہ ’’انہوں نے آپ کی بھول بھلیاں 3 سے ٹکر لے کر غلطی کر دی۔‘‘
واضح رہے کہ 17 دنوں کے بعد باکس آفس کے اعداد و شمار بتاتے ہیں کہ بھول بھلیاں 3 نے بھارت میں 231.4 کروڑ کمائے تو وہیں سنگھم اگین نے 231.26 کروڑ کا مجموعہ بنایا۔
