کراچی(نیوز دیسک)غزہ کی وزارت صحت کا کہنا ہے کہ گذشتہ 24گھنٹوں کے دوران اسرائیلی فوج کے حملوں میں76فلسطینی شہید ہو گئے۔غزہ کےطبی ماہرین نے گزشتہ روز بتایا کہ غزہ کی پٹی میں اسرائیلی فوج کے حملوں میں20فلسطینی شہید ہوئے، جن میں بے گھر خاندانوں کے خیموں پر حملوں میں شہید ہونے والےچھ افراد بھی شامل ہیں۔صحت کے حکام نے بتایا کہ دو بچوں سمیت چار افراد ساحلی علاقے المواسی میں ایک خیمہ بستی پر اسرائیلی فضائی حملے میں شہید ہوئے، جسے انسانی ہمدردی کی بنیاد پر علاقہ قرار دیا گیا ہے، جب کہ دوافراد جنوبی شہر رفح میں عارضی پناہ گاہوں میں اور ایک اور ڈرون حملے میں شہید ہو گئے۔طبی ماہرین نے بتایا کہشمالی غزہ کے بیت لاہیا قصبے میں ایک اسرائیلی میزائل نے ایک گھر کو نشانہ بنایا، جس سے کم از کم دو افرادشہید اور متعدد زخمی ہوئے۔ طبی ماہرین نے بتایا کہ غزہ میں ایک گھر پر اسرائیلی فضائی حملے میں7افراد شہید اور 10زخمی ہو گئے۔ انہوں نے مزید کہا کہ بعد ازاں گزشتہ روز، وسطی غزہ کی پٹی میں نصیرات کیمپ میں اسرائیلی فضائی حملے میں چار افرادشہید ہوئے۔گزشتہ روزکے واقعات پر اسرائیل کی جانب سے کوئی تبصرہ نہیں کیا گیا ۔خان یونس کے ناصر اسپتال میں ٹینٹ ہاؤسنگ پر اسرائیلی فضائی حملے میں شہید ہونے والے فلسطینیوں کے لواحقین، کمبلوں اور سفید کفنوں میں لپٹی لاشوں کے پاس بیٹھے تھے تاکہ انہیں قبروں تک لے جانے سے پہلے الوداع کیا جا سکے۔اسرائیلی فوج نے بیت لاہیا اور قریبی قصبوں بیت حنون اور جبالیہ میں ٹینک اور فوجی داخل کیے ہیں، جو غزہ کی پٹی کے آٹھ تاریخی پناہ گزین کیمپوں میں سے سب سے بڑے ہیں۔
غزہ میں اسرائیلی بمباری جاری، 24 گھنٹوں میں بچوں سمیت 76 فلسطینی شہید
