وزیرِ گلگت بلتستان، آزاد کشمیر امیر مقام کا کہنا ہے کہ پی ٹی آئی کو صوبے سے کوئی مطلب نہیں، انہوں نے صرف اپنے بانی کے لیے کام کرنا ہے۔
پشاور میں گورنر ہاؤس میں منعقدہ آل پارٹیز کانفرنس کی صدارت و میزبانی گورنر خیبر پختون خوا فیصل کریم کنڈی نے کی۔
کانفرنس کے دوران وفاقی وزیر گلگت بلتستان، آزاد کشمیر امیر مقام نے میڈیا سے گفتگو کی۔
انہوں نے میڈیا سے بات کرتے ہوئے کہا کہ جو کام خیبر پختون خوا حکومت کا تھا، گورنر کو کرنا پڑا، وزیرِ اعلیٰ کے پی کو اے پی سی میں شرکت کرنی چاہیے تھی، اے پی سی صوبے کے امن، وفاق سے اپنا حق لینے کے لیے ہے۔
امیر مقام کا کہنا ہے کہ اے پی سی میں وزیرِ اعلیٰ کی شرکت نہ کرنا، کیا مناسب ہے؟
اے پی سی میں آفتاب شیرپاؤ، میاں افتخارحسین، امیر مقام، پروفیسر ابراہیم، محمد علی شاہ باچا، محسن داوڑ،سکندر شیرپاؤ اور مولانا لطف الرحمٰن نے شرکت کی۔
