شہرِ قائد میں اگلے 24 گھنٹوں کے دوران مطلع صاف اور رات میں موسم خنک رہنے کا امکان ہے۔
محکمۂ موسمیات کے مطابق کراچی میں گزشتہ 24 گھنٹوں میں کم سے کم درجۂ حرارت 16.5 ڈگری سینٹی گریڈ ریکارڈ ہوا ہے۔
شہرِ قائد میں اگلے 24 گھنٹوں کے دوران کم سے کم درجۂ حرارت 13 سے 15 ڈگری سینٹی گریڈ تک رہنے کا امکان ہے۔
شہر میں شمال مشرق کی سمت سے چلنے والی ہواؤں کی رفتار 6 کلومیٹر فی گھنٹہ ہے جن میں نمی کا تناسب 76 فیصد ہے۔
بلوچستان میں موسم سرد
محکمۂ موسمیات کے مطابق کوئٹہ اور گرد و نواح میں موسم سرد اور خشک ہے۔
بلوچستان کے شمالی اور شمال مغربی اضلاع میں مطلع صاف اور موسم سرد ہے، صوبے کے بیشتر اضلاع میں آج موسم خشک اور سرد رہنے کا امکان ہے۔
صوبے کے پہاڑی علاقوں میں صبح اور رات کے وقت موسم شدید سرد رہنے کا امکان ہے۔
کوئٹہ میں کم سے کم درجۂ حرارت منفی1 ڈگری سینٹی گریڈ جبکہ قلات میں منفی 3 ڈگری سینٹی گریڈ ریکارڈ ہوا ہے۔
