آج سال کی سب سے طویل رات، چھوٹا ترین دن ہوگا

لاہور (نیوزرپورٹر) آج 22دسمبر کو سال کی سب سے طویل رات جبکہ سال 2024ءکا چھوٹا ترین دن ہوگا۔محکمہ موسمیات کے مطابق 22دسمبر کو سورج صبح 7بج کر6منٹ پر طلوع ہوگا اور شام5بج کر14منٹ پر غروب ہوگا،یوں دن کا کُل دورانیہ 10گھنٹے آٹھ منٹ جبکہ رات کا دورانیہ 13گھنٹے 52منٹ کا ہوگا۔کل 23دسمبرسے دن کا دورانیہ بڑھنا اور رات کا دورانیہ کم ہونا شروع ہو جائے گا۔ 21مارچ 2025ءکو دن اور رات کا دورانیہ برابر ہو جائیگا۔