کراچی کے مختلف مقامات پر پاراچنار واقعے پر احتجاج کے باعث ٹریفک کی روانی متاثر ہوگئی، کئی چورنگیاں بند ہوئیں تو ٹریفک پولیس نے متبادل راستے فراہم کردیے۔
ٹریفک پولیس کے مطابق مین ایم اے جنا ح روڈ نمائش چورنگی ٹریفک کےلیے بند ہے، ٹریفک کو پی پی چورنگی، گرومندر سے سولجر بازار متبادل راستہ فراہم کیا گیا ہے۔
حکام کے مطابق ٹریفک کےلیے سوسائٹی سگنل سے کوریڈور تھری، بریٹو روڈ سے سولجر بازار اور گرومندر کی طرف متبادل راستہ فراہم کیا گیا ہے۔
ٹریفک پولیس کے مطابق ابوالحسن اصفہانی روڈ سے بجانب سپرہائی وے عباس ٹاؤن کے سامنے دونوں اطراف کی سڑکیں بند ہیں۔
حکام کے مطابق ٹریفک کو پیراڈائز بیکری سے فاریہ چوک و اندرون گلیوں کی طرف متبادل راستہ دیا گیا ہے۔
ٹریفک حکام کے مطابق فائیو اسٹار چورنگی مکمل بند ہے، سروس روڈ سے ٹریفک کی روانی جاری ہے جبکہ یونیورسٹی روڈ میٹرو شاپنگ سینٹر سمامہ بجانب نیپا بند ہے۔
پولیس حکام کے مطابق ٹریفک کو اندرون علاقوں میں متبادل راستہ دیا گیا ہے جبکہ مین شاہراہ فیصل اسٹار گیٹ سے ملیر جانے والا راستہ بند ہے۔
ٹریفک پولیس کے مطابق شہرسے آنے والے ٹریفک کو ڈرگ روڈ سے راشد منہاس روڈ کی طرف متبادل راستہ دیا ہے جبکہ ملینئم سے آنے والے ٹریفک کو ڈرگ روڈ سے شہر کی طرف موڑا گیا ہے۔
حکام کے مطابق مین نیشنل ہائی وے ملیر 15 برج چڑھائی قائدآباد کی سڑک بند ہے، ٹریفک کو ملیر ہالٹ سے ماڈل کالونی کی طرف متبادل راستہ دیا گیا ہے۔
ٹریفک پولیس کے مطابق منزل پمپ سے یونس چورنگی،داؤد چورنگی سے انڈسٹریل ایریا کی طرف بھی متبادل راستہ دیا ہے۔
