پاکستان اسٹاک ایکسچینج میں سال کے آخری کاروباری دن کا مثبت آغاز ہوا ہے۔
بازارِ حصص کا 100 انڈیکس 970 پوائنٹس کے اضافے سے 1 لاکھ 16 ہزار 229 کی سطح پر پہنچ گیا۔
اب تک کے کاروبار کے دوران انڈیکس 1 لاکھ 16 ہزار 700 پوائنٹس کی بلندی کو بھی چھو گیا۔
گزشتہ روز کاروبار کے اختتام پر انڈیکس 1 لاکھ 15 ہزار 258 پوائنٹس پر بند ہوا تھا۔
انٹر بینک: ڈالر 278 روپے 50 پیسے کا ہو گیا
ادھر انٹر بینک میں آج کاروبار کے آغاز میں امریکی ڈالر 2 پیسے مہنگا ہوا ہے۔
انٹر بینک میں ڈالر 2 پیسے مہنگا ہو کر 278 روپے 50 پیسے کا ہو گیا۔
گزشتہ روز کاروبار کے اختتام پر انٹر بینک میں ڈالر 278 روپے 48 پیسے کا تھا۔
