جنوبی کوریا، آرمی چیف سمیت دو فوجی افسران پر بغاوت کی فرد جرم عائد

سیئول (نیوز ایجنسی) جنوبی کوریا کے آرمی چیف سمیت گرفتار 2فوجی افسران پر بغاوت کے الزامات کے تحت فردِ جرم عائد کر دی گئی۔ مقامی میڈیا کے مطابق آرمی چیف پارک آن سو اور لیفٹیننٹ جنرل کواک جونگ کیون پر بغاوت اور طاقت کے غلط استعمال کے الزامات کے تحت حراست میں فردِ جرم عائد کی گئی ہے۔ جنوبی کوریا کے آرمی چیف پارک آن سو اور لیفٹیننٹ جنرل کواک جونگ کیون کو استغاثہ نے تحقیقات کے دوران حراست میں لیا تھا۔واضح رہے کہ جنوبی کوریا کے صدر نے گزشتہ ماہ ملک میں مارشل لا نافذ کر دیا تھا مگر اسی روز پارلیمنٹ کی جانب سے مارشل لا کے خلاف ووٹ دیے جانے پر انہوں نے مارشل لا اٹھانے کا اعلان کر دیا تھا۔