گووندا کی اہلیہ سنیتا آہوجا اپنی بےباک طبیعت کےلیے مشہور ہیں۔ حال ہی میں ایک انٹرویو کے دوران انہوں نے نہ صرف اپنے شوہر کے افیئرز سے متعلق افواہوں بلکہ ان کی سابقہ ساتھی اداکارہ روینا ٹنڈن اور شلپا شیٹی کے حالیہ متنازع بیانات پر بھی کھل کر بات کی۔
1990 کی دہائی کی نامور اداکارہ روینا ٹنڈن اداکار گووندا کے ساتھ درجنوں فلموں میں کام کر چکی ہیں۔ انہوں نے حالیہ گفتگو میں مذاقاً کہا ’اگر گووندا سے پہلے ملاقات ہوجاتی تو وہ ان سے شادی کر لیتیں۔‘
تاہم اپنے انٹرویو کے دوران سنیتا آہوجا نے اس پر جواب دیا اور دلچسپ انداز میں کہا، ’’روینا بولتی ہے ابھی بھی، ’چی چی، تو مجھے پہلے ملتا تو میں تجھ سے شادی کرتی۔‘ میں نے کہا ’لے جا، پتہ چلے گا تجھے۔‘
خیال رہے کہ روینا اور گووندا نے کئی مشہور فلموں جیسے دولہے راجہ (1998)، آنٹی نمبر ون (1998) اور بڑے میاں چھوٹے میاں (1998) میں ایک ساتھ کام کیا۔
حال ہی میں گووندا کے حادثاتی طور پر زخمی ہونے کے بعد روینا ٹنڈن نے گووندا سے اسپتال میں ملاقات بھی کی تھی۔
