پاکستان کے سہیل عدنان نے برٹش جونیئر اوپن اسکواش چیمپئن شپ جیت لی۔
سہیل عدنان نے انڈر 13 کیٹیگری کے فائنل میں مصر کے ٹاپ سیڈ پلیئر کو شکست دی۔
پاکستانی پلیئر نے معیز تعمیر المغازی کے خلاف 1-2 کے خسارے سے کم بیک کرکے 2-3 سے مقابلہ جیتا۔ انکی جیت کا اسکور 11-5، 5-11، 11-6، 7-11، 5-11 رہا۔
واضح رہے کہ 18 سال بعد کسی پاکستانی پلیئر نے برٹش جونیئر انڈر 13 کا ٹائٹل جیتا ہے۔ ان سے قبل 2007 میں ناصر اقبال نے آخری مرتبہ برٹش جونیئر انڈر 13 کا ٹائٹل اپنے نام کیا تھا۔
محسن نقوی کی مبارکباد
چیئرمین پاکستان کرکٹ بورڈ (پی سی بی) محسن نقوی نے برٹش جونیئر اوپن سکوائش چیمپئن شپ جیتنے پر پاکستانی کھلاڑی سہیل عدنان کو مبارکباد دی ہے۔
انہوں نے کہا کہ سہیل عدنان نے چیمپئن شپ جیت کر پاکستان کا نام روشن کیا، سہیل عدنان نے 18 برس بعد برٹش جونیئر اوپن سکوائش جیت کر سبز ہلالی پرچم بلند کیا۔ انکی جیت پاکستان کےلیے اعزاز ہے۔
انکا کہنا تھا کہ سہیل عدنان کی کارکردگی قابل ستائش رہی اور شاباش کے مستحق ہیں۔ مستقبل میں سہیل عدنان کی مزید کامیابیوں کےلیے دعاگو ہوں۔
