بالی ووڈ ادکار نیل نیتن مُکیش نے سیف علی خان کو بہادر قرار دے دیا۔
بھارتی میڈیا کی رپورٹ کے مطابق نیل نیتن مکیش اُس وقت حیران رہ گئے جب انہوں نے سنا کہ سیف علی خان کو ان کے ممبئی میں واقع گھر میں داخل ہونے والے ایک چور نے چاقو سے حملہ کرکے زخمی کردیا۔
نیل نے اس واقعے کے دوران سیف کی اپنی فیملی کی حفاظت کےلیے بہادری کی تعریف کی اور سوشل میڈیا پر سیف علی خان کی جلد صحتیابی کیلئے دعا کی۔
نیل نیتن مکیش نے سوشل میڈیا ویب سائٹ ایکس (سابقہ ٹوئٹر) پر سیف کے لیے نیک خواہشات کا اظہار کیا، جو حملے کے بعد اسپتال میں زیر علاج ہیں۔
نیل نے سوشل میڈیا پر لکھا، ’’میری دعائیں سیف سر اور ان کے پورے خاندان کے ساتھ ہیں۔ یہ واقعی بہت افسوسناک واقعہ ہے۔‘‘
اداکار نے امید ظاہر کی کہ سیف علی خان جلد صحتیاب ہو جائیں گے۔
انہوں نے مزید کہا، ’’آپ کی بہادری اور اپنے خاندان سے محبت آپ کو شفا، طاقت اور سکون عطا کرے اور آپ جلد صحتیاب ہوجائیں۔‘‘
شوبز کی دیگر کئی مشہور شخصیات، جن میں پرینیتی چوپڑا، امتیاز علی اور ہنسل مہتا شامل ہیں، نے بھی سیف علی خان کےلیے نیک خواہشات کا اظہار کیا ہے۔
