افغانستان کے نائب وزیرِ خارجہ شیر عباس ستانکزئی نے طالبان قیادت سے خواتین کی تعلیم پر پابندی ختم کرنےکا مطالبہ کیا ہے۔
بین الاقوامی میڈیا کے مطابق نائب افغان وزیرِ خارجہ نے خوست میں مدرسے کی تقریب میں خطاب کے دوران اپنے خیالات کا اظہارکرتے ہوئے کہا کہ قیادت سے دوبارہ مطالبہ کرتا ہوں کہ لڑکیوں پر تعلیم کے دروازے کھولیں، خواتین اور لڑکیوں پر تعلیمی پابندیوں کو ختم کر دیں۔
افغان نائب وزیرخارجہ کا کہنا ہے کہ نہ ماضی میں اس کا کوئی جواز تھا، نہ مستقبل میں ایسا ہونا چاہیے۔
ان کا کہنا ہے ک لڑکیوں کی تعلیم سے انکار کی کوئی وجہ نہیں، یہ اسلامی قانون نہیں ہے۔
شیر عباس ستا نکزئی کا کہنا ہے کہ افغان حکومت نے خواتین کو چھٹی جماعت کے بعد تعلیم حاصل کرنے سے روک رکھا ہے۔
