ٹائٹینک اسٹار کیٹ ونسلیٹ نے اداکاری کے بعد اب ہدایت کاری کے میدان میں قدم رکھ دیا۔
کیٹ ونسلیٹ اب اپنی ایک فیچر فلم ’گڈ بائے جون‘ میں ہدایت کاری کے جوہر دکھائیں گی۔
فلم کا اسکرپٹ ہالی ووڈ اداکارہ کیٹ ونسلیٹ کے بیٹے نے لکھا ہے، یہ فلم نیٹ فلکس اور ورکنگ ٹائٹل فلمز کے تحت برطانیہ میں شوٹ کی جائے گی۔
فلم کی کہانی خونی رشتوں کے درمیان گھومتی ہے جو ایک بکھرے ہوئے خاندان کا حصہ تھے اور والدین کے درمیان علیحدگی کے باعث جدا ہو چکے تھے۔
فلم میں ٹونی کولٹ، جانی فلن، اینڈریا رائزبرگ، ٹموتھی اسپال اور ہیلین مرین جیسے مشہور اداکار بھی جلوہ گر ہوں گے۔
کیٹ ونسلیٹ اور مداح فلم کی کامیابی کے لیے کافی پُرامید اور پر جوش ہیں۔
فلم ابتدائی مراحل میں ہے اور ریلیز کی تاریخ کا اعلان نہیں کیا گیا ہے۔
