پاک فضائیہ کا ناقابل فراموش کردار دفاعی تاریخ میں سنہری حروف سے لکھا جائے گا: وزیراعلی پنجاب

وزیراعلی پنجاب مریم نوازشریف کا یوم فضائیہ پر پیغام ,مریم نوازشریف نے اپنے پیغام میں کہا کہ پاک فضائیہ کے شاہینوں کو سلام پیش کرتے ہیں۔  آج پاک فضائیہ کے شاہینوں کے پیشہ ورانہ مہارت اور لازوال قربانیوں کوخراج تحسین پیش کرنے کا دن ہے۔   7ستمبر 1965ء کا دن پاک فضائیہ کی تاریخ کا روشن باب ہے۔ پاک فضائیہ کے شاہین صفت پائلٹ ایم ایم عالم نے 1965 کی جنگ میں ایک منٹ کے میں 5  بھارتی طیارے تباہ کر کے ریکارڈ بنا دیا۔ راشد منہاس شہید نے جرأت، شجاعت اور بہادری کی داستان رقم کیں۔ پاک فضائیہ کا ناقابل فراموش کردار دفاعی تاریخ میں سنہری حروف سے   لکھا جائے گا۔   قوم کو پاک فضائیہ کے شاہینوں کی پیشہ ورانہ صلاحیتوں اور جرات و بہادری پر فخر ہے۔