ایئرپورٹ کے اطراف سخت چیکنگ

کراچی(اسٹاف رپورٹر)IDEAS 2024 کے انعقاد کے سلسلے میں جناح انٹرنیشنل ایئرپورٹ کے اطراف تمام چیک پوانٹس کے داخلی راستوں پر پولیس اہلکار مشکوک افراد اور گاڑیوں کی چیکنگ کر رہے ہیں اور کالے شیشوں، غیر قانونی نمبر پلیٹس اور ریوالونگ لائٹس کے خلاف سخت قانونی کارروائی عمل میں لائی جا رہی ہے۔ایس ایس پی ملیر کاشف آفتاب عباسی کے مطابق سیکیورٹی چیک پوسٹس کی خود نگرانی کر رہے ہیں۔شہریوں سے گزارش ہے کہ کسی بھی پریشانی سے بچنے کے لیے ریڈ زون کی بجائے شارع فیصل یا دیگر متبادل راستے استعمال کریں۔یہ تمام اقدامات شہریوں اور مسافروں کی جان و مال کی حفاظت کو یقینی بنانے کے لیے کیے گئے ہیں۔