دوسرے ٹی ٹوئنٹی میچ میں پاکستان نے زمبابوے کو 57 رنز پر آل آؤٹ کردیا۔ سفیان مقیم نے شاندار بولنگ کا مظاہرہ کرتے ہوئے 5 وکٹیں لیں۔
بلاوائیو میں کھیلے جانے والے اس میچ میں زمبابوے نے پاکستان کے خلاف ٹاس جیت کر پہلے بیٹنگ کا فیصلہ کیا ہے۔
زمبابوے نے بغیر کوئی وکٹ گنوائے 4 اوورز میں 37 رنز تو بنالیے لیکن اسکے بعد پاکستانی بولرز نے شاندار کم بیک کرتے ہوئے اگلے 20 رنز میں زمبابوے کی پوری ٹیم کو آل آؤٹ کردیا۔
اسپنر سفیان مقیم نے کیریئر کی بہترین بولنگ کا مظاہرہ کرتے ہوئے صرف 3 رنز دے کر 5 وکٹیں حاصل کیں۔
انکے علاوہ عباس آفریدی نے دو جبکہ حارث رؤف، سلمان علی آغا اور ابرار احمد نے ایک ایک کھلاڑی کو آؤٹ کیا۔
زمبابوے کے اوپنرز برائن بینیٹ نے 21 اور ٹادیوناشے مرومانی نے 16 رنز بنائے جبکہ انکے علاوہ کوئی کھلاڑی ڈبل فیگر میں بھی داخل نہ ہوسکا اور تین کھلاڑی صفر پر آؤٹ ہوئے۔
دوسرے ٹی ٹوئنٹی کے لیے پاکستان کی فائنل الیون میں سلمان علی آغا، صائم ایوب، عمیر بن یوسف، عثمان خان، طیب طاہر، عرفان خان، جہانداد خان، عباس آفریدی، حارث رؤف، ابرار احمد اور سفیان مقیم شامل ہیں۔
گرین شرٹس نے پہلے ٹی ٹوئنٹی میچ میں ہوم ٹیم کو آؤٹ کلاس کرتے ہوئے 57 رنز سے کامیابی حاصل کی تھی۔
گرین شرٹس کو 3 میچز کی سیریز میں 0-1 کی برتری حاصل ہے۔
