بلوچستان کے ضلع تربت میں خود کش حملے کا مقدمہ سی ٹی ڈی تھانہ میں درج کر لیا گیا تاہم کوئی ملزم گرفتار نہیں ہو سکا ہے۔
سی ٹی ڈی ترجمان کے مطابق تربت مسافر بس کے قریب ہونے والے دھماکے کا مقدمہ نامعلوم ملزمان کیخلاف درج کیا گیا ہے۔
مقدمے میں انسداد دہشتگردی، قتل، اقدام قتل، 3،4،5 ایکسپولیسو ایکٹ کے تحت درج ہوا ہے۔۔
واضح رہے کہ تربت میں دو روز قبل مسافر بس سے بارود سے بھری گاڑی ٹکرائی تھی، جس سے 6 افراد جاں بحق اور 50 زخمی ہوئے تھے۔
واقعہ کی تحقیقات سی ٹی ڈی کا عملہ کر رہا ہے اور جو شواہد اکٹھے کئے گئے ہیں ان کو دیگر قانون نافذ کرنے والے اداروں کے ساتھ مل کر انویسٹی گیشن کی جارہی ہے۔
