غزہ جنگ میں اموات کی تعداد 41 فیصد کم رپورٹ ہونے کا انکشاف ہوا ہے۔ لینسٹ جرنل میں شائع ہونے والی ایک رپورٹ کے مطابق 7 اکتوبر 2023 سے 30 جون 2024 کے درمیان غزہ میں 64 ہزار 260 اموات ہوئیں۔
جو فلسطینی وزارت صحت کے سرکاری عداد شمار سے تقریباً 41 فیصد زیادہ ہے، فلسطینی وزارت صحت نے اس وقت اموات کی تعداد 37 ہزار 877 بتائی تھی۔
رپورٹ کے مطابق مرنے والوں میں 59.1 فیصد خواتین، بچے اور 65 سال سے زیادہ عمر کے لوگ شامل تھے۔
اس حساب کے مطابق اکتوبر تک غزہ میں شہید ہونے والوں کی تعداد 70ہزار سے تجاوز کر گئی ہے۔
رپورٹ شماریاتی طریقہ ‘کیپچر ۔ ری کیپچر تجزیہ’ کے ذریعے بنائی گئی ہے، جو اس وقت استعمال ہوتا ہے جب تمام متعلقہ ڈیٹا ریکارڈ نہیں کیا جاسکتا ہے۔
