بالی ووڈ کنگ شاہ رخ خان آج اپنی 58 ویں سالگرہ منا رہے ہیں۔
شاہ رخ خان کو ان کی سالگرہ کے موقع پر مبارکباد دینے اور نیک خواہشات کا اظہار کرنے کے لیے مداح بڑی تعداد میں آدھی رات کو ان کے گھر ’منت ہاؤس‘ کے باہر جمع ہوئے۔
اداکار نے بھی گھر کی بالکونی میں آ کر اپنے مشہور انداز میں پوز دے کر مداحوں کی جانب سے ملنے والی محبت کا جواب دیا۔
شاہ رخ خان نے سوشل میڈیا ویب سائٹ ایکس پر اپنے مداحوں کا بے انتہا محبت دینے پر شکریہ ادا کرنے کے لیے ایک خصوصی پوسٹ بھی شیئر کی ہے۔
اُنہوں نے اپنی پوسٹ میں لکھا ہے کہ یہ ناقابل یقین ہے کہ آپ لوگ رات گئے آئے ہیں اور مجھے سالگرہ کی مبارکباد دی، میں صرف ایک اداکار ہوں، اس حقیقت سے زیادہ مجھے کسی اور چیز سے خوشی نہیں ملتی کہ میں آپ کو تھوڑا سا انٹرٹین کر سکتا ہوں۔
شاہ رخ خان نے اپنے مداحوں کا شکریہ ادا کرتے ہوئے لکھا کہ میں آپ کے پیار کے خواب میں رہتا ہوں اور اب آپ لوگوں سے صبح ملوں گا۔
