متحدہ قومی موومنٹ (ایم کیو ایم) پاکستان، پاکستان پیپلز پارٹی (پی پی پی) اور جماعت اسلامی نے کراچی میں کامیابی کا دعویٰ کردیا۔
سب تک نیوز کے پروگرام آج شاہزیب خانزادہ کے ساتھ میں مصطفیٰ کمال، مرتضیٰ وہاب اور حافظ نعیم الرحمان نے اظہار خیال کیا۔
مصطفیٰ کمال نے کہا کہ آج متحدہ پہلے سے زیادہ مضبوط ہے، ہم اپنی پرانی پوزیشن پر واپس جائیں گے۔
انہوں نے مزید کہا کہ ن لیگ سے ایم کیو ایم نے اتحاد اس لیے کیا کیونکہ پی پی انتخابات خریدنا چاہتی ہے۔
مرتضیٰ وہاب نے کہا کہ ماضی میں بھی اتحاد بنے، ہمیں فرق نہیں پڑتا، مقابلے کےلیے تیار ہیں،جو تنہا پی پی کا مقابلہ نہیں کرسکتے، وہ اتحاد بنا رہے ہیں۔
حافظ نعیم الرحمان نے کہا کہ بلدیاتی انتخابات کے نتائج سے واضح ہوگیا ہے کہ کراچی میں مقابلہ صرف جماعت اسلامی سے ہے۔
سوال یہ ہے کہ ن لیگ نے ایم کیو ایم سے اتحاد کرلیا ہے اب دیکھنا یہ ہے کہ پی ٹی آئی سے کون اتحاد کرے گا۔
