پاکستان شوبز انڈسٹری کے سینئر اداکار فیصل رحمٰن نے شرٹ کے بغیر ویڈیو شیئر کرنے کی وجہ بتا دی۔
فیصل رحمٰن نے کچھ عرصے پہلے شرٹ کے بغیر اپنی ایک ویڈیو شیئر کی تھی اور اپنی باڈی کے بارے میں صارفین سے رائے مانگی تھی۔
ان کی ویڈیو سوشل میڈیا پر بہت وائرل ہوئی تھی اور صارفین کی جانب سے اس پر شدید تنقید بھی کی گئی تھی۔
اداکار نے اب اپنے ایک انٹرویو میں اس طرح کی ویڈیو شیئر کرنے پر وضاحت دیتے ہوئے کہا کہ دراصل، لوگ مجھے اتنے عرصے سے دیکھ رہے ہیں کہ وہ سمجھتے ہیں کہ میں بوڑھا ہو گیا ہوں اور مرنے والا ہوں تو ایسی ویڈیوز پوسٹ کر کے میں یہ ظاہر کرنا چاہتا ہوں کہ میں اب بھی اچھے کردار کرنے کی صلاحیت رکھتا ہوں۔
اُنہوں نے کہا کہ لوگ آپ پر ہمیشہ تنقید کریں گے چاہے آپ کتنی ہی مثبت سوچ کے انسان کیوں نہ ہوں، اس لیے ایسی تنقید پر کان نہ دھریں۔
فیصل رحمٰن نے یہ بھی کہا کہ میں تو چاہتا ہوں کہ لوگ تنقید کریں اور میں جلد ہی ایسی ایک اور ویڈیو بھی سوشل میڈیا پر پوسٹ کروں گا۔
