آسٹریلوی کرکٹ ٹیم کے سابق کپتان رکی پونٹنگ کا کہنا ہے کہ کرکٹ ورلڈکپ 2023 کے فائنل میں بھارت کا غیر معیاری پچ تیار کرنے کا فیصلہ خود بھارت کو مہنگا پڑگیا۔
غیر ملکی کرکٹ ویب سائٹ کے مطابق سابق آسٹریلوی کپتان رکی پونٹنگ کا کہنا تھا کہ بھارت نے فائنل کےلیے پچ یہ سوچ کر تیار کی تھی کہ وہ آسٹریلو ی بیٹرز کو مشکل میں ڈال دیں گے۔
انہوں نے کہا کہ مگر یہ فیصلہ خود بھارت کو ہار کی صورت میں مہنگا پڑ گیا جو اُن کے حساب سے اچھا ہوا۔
رکی پونٹنگ کا کہنا تھا کہ فائنل والے دن کنڈیشنز بالکل ویسی ہی تھیں جیسی کہ برصغیر کی ہوتی ہیں مگر اس طرح کی پچ تیار کرنا بھارت کو لے ڈوبا۔
دوسری جانب انگلینڈ کے سابق کپتان مائیکل وان کا کہنا تھا کہ آسٹریلیا نے بھارت کے مقابلے میں ان کنڈیشنز کا زیادہ اچھا فائدہ اُٹھایا۔
انہوں نے یہ بھی کہا کہ حکمت عملی کے حساب سے آسٹریلیا بہت ہوشیار ٹیم ہے، اُن کے پاس اچھا تھنک ٹینک ہے۔
