پاکستان تحریک انصاف (پی ٹی آئی) کے رہنما شیر افضل مروت کا کہنا ہے کہ بیرسٹر گوہر شریف آدمی ہیں لیکن کارکردگی اطمینان بخش نہیں تھی.
سب تک نیوز سے خصوصی گفتگو کرتے ہوئے پی ٹی آئی رہنما شیر افضل مروت نے بیرسٹر گوہر کو چیئرمین کے عہدے کے لیے نامزد نہ کرنے کی وجہ بتا دی۔
ان کا کہنا ہے کہ بیرسٹر گوہر کو چیئرمین کے عہدے سے ہٹانے کے پیچھے ان کی نااہلی اور خراب کارکردگی ہے۔ بیرسٹر گوہر شریف آدمی ہیں لیکن کارکردگی اطمینان بخش نہیں تھی۔
انہوں نے کہا کہ پارٹی آفس چلانے کے لیے ہر وقت متحرک رہنا ہوتا ہے لیکن ایسا نہ ہوا، 3 ماہ کا وقت بیرسٹر گوہر کو ملا وہ کامیاب نہ ہو سکے۔
شیر افضل کا کہنا ہے کہ انتخابی نتائج کے بعد قیادت کی اپروچ قابل ستائش نہ تھی، ورکرز کی احتجاج سمیت توقعات تھیں، بیرسٹر گوہر کو لیڈ کرنا چاہیے تھا لیکن وہ ناکام رہے۔
