ڈپٹی کمشنر شاہد عمران مارتھ کی زیر صدارت محکمہ ہیلتھ اور محکمہ سکول ایجوکیشن کے ضلعی افسران کا اجلاس منعقد ہوا۔ اجلاس میں ضلعی محکموں کی کارکردگی کا تفصیلی جائزہ لیا گیا۔ اجلاس میں ایڈیشنل ڈپٹی کمشنر فناس حافظ غلام مرتضی، سی ای او ایجوکیشن محمد یاسین ورک، سی ای او ہیلتھ ڈاکٹر عابد یوسف، ڈی ایچ او ڈاکٹر افتخار سمیت دیگر افسران نے شرکت کی۔ ڈپٹی کمشنر نے کہا کہ ضلع کے عوام کی فلاح وبہبود کیلئے تمام ممکن وسائل کو بروئے کار لایا جائے ۔ضلع کے سرکاری اداروں کی کارکردگی کو جانچنے کیلئے عملی اقدامات اٹھائے جائیں گے ۔ڈپٹی کمشنر نے مزید کہا کہ سرکاری محکموں کے سربراہان اور اہلکاران دفاتر میں اپنی بروقت حاضری یقینی بنائیں تاکہ سرکاری امور کے حل کیلئے دفاتر میں آئے ہوئے لوگوں کو انتظار کی زحمت سے دوچار نہ ہونا پڑے۔
انہوں نے کہا کہ ضلع کے ہیلتھ سیکٹر، ایجوکیشن ایم سیز سروسز سمیت دیگر اداروں میں پبلک سروس ڈلیوری سسٹم کو مزید بہتر بنایا جائے۔ ضلعی محکموں کے سربراہان عوام الناس کو ریلیف کی فراہمی کیلئے میرٹ اور دیانتداری کو اپنا شعار بنائیں، دفاتر میں کرپشن سے پاک ماحول کی فراہمی کو یقینی بنائیں۔ مزید ان کا کہنا تھا کہ روزانہ کی بنیاد پر افسران کی دفاتر میں حاضری کو چیک کیا جائے گا اور ان کی کارکردگی کو مانیٹر بھی کیا جائے گا، سرکاری امور کی ادائیگی میں کسی قسم کی غفلت یا کوتاہی برداشت نہ کی جائے گی