آندھی اور بارش سے گیپکو کے ریجن بھر میں 100 سے زائد فیڈرز ٹرپ کرگئے، بیشتر علاقوں کی بجلی 6 گھنٹوں سے بند، بارش تھمنے کے بعد بھی متاثرہ علاقوں کی بجلی بحال ناہوسکی، شہریوں کو مشکلات کا سامنا
گجرات سمیت جڑواں شہروں میں موسلادھار بارش سے موسم سہانا ہوگیا اور گرمی کے ستائے شہریوں کے چہروں پر مسکراہٹیں آگئیں لیکن بارش کے بعد گیپکو کے ریجن بھر میں فیڈرز ٹرپ کرنے کے باعث بجلی کی بندش سے عوام کو مشکلات کا سامنا ہے
بارش کی وجہ سےگیپکو کے ریجن بھر میں 100 سے زائد فیڈرزسے بجلی کی سپلائی معطل ہوئی، ترجمان گیپکو کا کہنا ہے کہ بجلی کی ترسیل یقینی بنانے کیلئے فیلڈ اسٹاف کو ہائی الرٹ کردیا گیا ہے
ڈپٹی کمشنر گجرات صفد ر ورک کا کہناہے بارش کے بعد بحالی کے کاموں کے لئے متعلقہ محکموں کے حکام کو فیلڈ وزٹ یقینی بنانے کی ہدایت کی اور میونسپل کارپوریشن کو بھی شہر کے نشیبی علاقوں میں نکاسی آب کیلئے احکامات جار ی کردیئے ہیں
گجرات سمیت جڑواں دیگر شہروں میں بارش ہوئی جن میں سیالکوٹ، وزیرآباد، منڈی بہاؤالدین، حافظ آباد، پھالیہ،جہلم ،لالہ موسی ، کھاریاں اور سرائے عالمگیر سمیت دیگر شامل ہیں
بارش سے موسم خوشگوار ہوگیا اور کئی دن سے جاری گرمی کی شدت ختم ہوگئی۔ تاہم عوام کو مختلف علاقوں میں فیڈرز ٹرپ ہونے سے بجلی کی بندش کا سامنا ہے