وزیرِ اعظم یوتھ لون پروگرام کے چیئرمین رانا مشہود کا کہنا ہے کہ رواں سال یوتھ لون پروگرام کا دائرہ کار مزید بڑھایا جائے گا۔
رانا مشہود نے پریس کانفرنس میں کہا کہ یوتھ لون پروگرام میں ریکوری 98 فیصد سے زائد ہے۔
اُنہوں نے کہا ہے کہ نوجوان ملک کی ترقی میں اہم کردار ادا کر سکتے ہیں اور ہم ہر میدان میں نوجوانوں کو مواقع فراہم کر رہے ہیں۔
رانا مشہود نے مزید کہا کہ پاکستان کو بہت سے چیلنجز کا سامنا ہے، موجودہ صورتِ حال میں ملک کو آگے لے جانے کے لیے یکسوئی سے کام کرنے کی ضرورت ہے۔
اُنہوں نے یہ بھی کہا ہے کہ آئی ایم ایف کے ساتھ معاملات خوش اسلوبی سے طے پا گئے ہیں، منہگائی کم ہو رہی ہے، اسٹاک مارکیٹ میں تیزی آ رہی ہے۔