لاہور ہائیکورٹ نے مسلم لیگی رہنما چودھری موسی الٰہی کی 15 فروری تک حفاظتی ضمانت منظور کرلی
بیرسٹر سلمان صفدر کے ذریعے دائر کی گئی موسیٰ الٰہی کی حفاظتی ضمانت کی درخواست پر جسٹس طارق سلیم شیخ نے سماعت کی۔ عدالت نے 15 فروری تک موسیٰ الٰہی کو گرفتار کرنے سے روک دیا
واضح رہے کہ چوہدری موسیٰ الٰہی انکے والد سمیت 14ساتھیوں کیخلاف23جنوری کو ہونیوالے وقوعہ کا مقدمہ تھانہ کڑیانوالہ میں 3فروری 2023ء کو مسلم لیگ (ن) کی مدعیت میں انکی رہائشگاہ پر فائرنگ کر نے قتل کی دھمکیاں دینے پر مقدمہ درج کیا گیا تھا
چودھری موسیٰ الٰہی نے درخواست ضمانت میں موقف اختیار کیا کہ پولیس نے مسلم لیگ ن کے رہنما کے گھر پر فائرنگ کا جھوٹا مقدمہ درج کیا، مجھے خدشہ ہے گجرات پولیس گرفتار کر لے گی
چودھری موسیٰ الٰہی سابق وزیر اعظم چوہدری شجاعت حسین کے بھتیجے، سابق وفاقی وزیر چودھری وجاہت حسین کے صاحبزادے ایم این اے چوہدری حسین الہی کے بھائی اور این اے 71 گجرات سے پاکستان مسلم لیگ کے امیدوار ہیں
درخواست میں مزید کہا گیا کہ ن لیگی رہنما نے موسیٰ الٰہی خلاف سیاسی بنیادوں پر مقدمہ درج کروایا ہے۔