اسلامی جمہوریہ پاکستان ایک فلاحی ریاست واحد اسلامی اٹیمی قوت کا حامل وطن ہونے کے باوجود اس وقت پاکستان تاریخ کے بدترین دور سے گزر رہا ہے جہاں سیاسی بحرانوں نے ملک کو گھیر رکھا ہے
وہاں پر اس وقت پاکستان معاشی لحاظ سے انتہائی کمزور ہے پاکستان میں مہنگائی کی شرح ہسٹری کی بلند ترین سطح پر پہنچ گئی ہے ڈالر ہے کہ نیچے آنے کا نام نہیں لے رہا پاکستانی روپے کی رہی سہی قدر بھی کھو گئی آج اگر ملکی حالات دیکھیں تو تمام جماعتوں کے سیاستدان اکابرین ریاست پاکستان اور قوم کی بجائے اپنے سیاسی مفادات کو ترجیح دے رہے ہیں کچھ سیاسیدان اقتدار بچانے میں مصروف ہیں
جبکہ کچھ اقتدار میں آنے کے لیے ایڑی چوٹی کا زور لگا رہے ہیں مگر یہ عوامی نمائندگی کے دعوے کرنے والے سیاستدانوں کو اس وقت ملک وقوم کی کوئی فکر نہیں ہے مہنگائی نے جہاں غریب دیہاڑی دار طبقے کو متاثر کیا ہے وہاں سفید پوش امیر طبقہ بھی اس کی زد میں آگیا ہے مگر اشرافیہ اس ملک کو لوٹنے میں مصروف عمل ہے گیس ہو بجلی ہو آئل مصنوعات ہو یا روز مرہ کی ضروریات زندگی کی اشیاء عام آدمی کی پہنچ سے دور ہوگئی ہیں بدترین مہنگائی کے اس دور میں دو وقت کی روٹی کھانا محال ہوچکا ہے
ملک میں پٹرولیم مصنوعات کا بحران سر چڑھ کر بول رہا ہے آٹے کی قلت غریب دھکے کھا رہا ہے لائنوں قطاروں میں جینے کے لیے ہاتھ پھیلائے کھڑے ہیں بے روزگاری انتہا کو ہے جبکہ سیاسیدانوں کو اس بات کی فکر نہیں کہ ملک کس نہج پر پہنچ چکا ہے آخر کب تک قوم ان سیاسی تماشہ گیروں کا تماشہ دیکھتی رہے گی
آخر کب تک ان سیاسیدانوں کے آگے بھیڑ بکریوں کی طرح عوام بھاگتے رہیں گے کون اس قوم کا مسیحا بنے گا آخر کب تک ان سیاسیدانوں کی کٹھ پتلی بن کر ہم نعرے لگاتے رہیں گے کب تک ان سیاسیدانوں کی خاطر لڑائی جھگڑے کرتے رہیں گے عوام کا کوئی پرسان حال نہیں مہنگائی کی دلدل میں قوم دھنس چکی ہے زندگی کا پہیہ چلنا ممکن نہیں رہا