میں سلیکشن کمیٹی میں شامل تجربہ کار پلیئرز کے فیصلے پر حیران ہوں، شاہد آفریدی

شاہد آفریدی : فوٹو فائل

قومی ٹیم کے کپتان کی تبدیلی پر سابق کپتان شاہد آفریدی کا ردعمل بھی سامنے آگیا۔

اپنے بیان میں شاہد آفریدی نے کہا کہ میں سلیکشن کمیٹی میں شامل تجربہ کار پلیئرز کے فیصلے پر حیران ہوں۔

شاہد آفریدی نے کہا کہ اگر تبدیلی ضروری تھی تو قیادت کےلیے محمد رضوان بہتر چوائس تھے۔

سابق کپتان شاہد آفریدی نے مزید کہا کہ تاہم اب فیصلہ ہوچکا تو بابراعظم کےلیے میری حمایت اور نیک خواہشات ہیں۔

یاد رہے کہ پاکستان کرکٹ بورڈ نے بابر اعظم کو ایک بار پھر قومی کرکٹ ٹیم کا کپتان بنا دیا ہے۔

پی سی بی کے مطابق بابر اعظم ٹی ٹوئنٹی اور ون ڈے ٹیم کی قیادت کریں گے۔ ان سے قبل شاہین آفریدی ٹی ٹوئنٹی فارمیٹ میں ٹیم کے کپتان تھے۔

بابر اعظم 52 ٹیسٹ، 117 ون ڈے اور 109 ٹی ٹوئنٹی میچز میں پاکستان کی نمائندگی کر چکے ہیں۔

اپنا تبصرہ بھیجیں