بشریٰ بی بی واحد قیدی جو بیڈروم میں قید ہیں، عظمیٰ بخاری


وزیر اطلاعات پنجاب عظمیٰ بخاری نے کہا ہے کہ بشریٰ بی بی واحد قیدی ہیں جو اپنے بیڈروم میں قید ہیں۔

عمران خان کے بیان پر ردعمل میں عظمیٰ بخاری نے کہا کہ اہلیہ کہہ رہی ہے ہارپک ک قطرے کھانے میں ملائے گئے جبکہ شوہر کہہ رہے ہیں زہر دیا گیا۔

انہوں نے مشورہ دیا کہ پہلے دونوں میاں بیوی فیصلہ کر لیں کہ اصل موقف کیا دینا ہے، بشریٰ بی بی نے خود تسلیم کیا بنی گالہ میں ان کو بہترین سہولیات فراہم کی جا رہی ہیں۔

وزیر اطلاعات پنجاب نے مزید کہا کہ بشریٰ بی بی واحد قیدی ہیں جو اپنے ہی بیڈ روم میں قید ہیں، پھر بھی من گھڑت کہانیاں بنائی جارہی ہیں۔

اُن کا کہنا تھا کہ عمران خان 3 مقدمات میں سزا یافتہ مجرم ہیں، پھر بھی ان کو بکرے اور دیسی مرغیاں کھانے کو مل رہی ہیں۔ دونوں میاں بیوی جیل میں نہیں پھوپھو اور خالہ کے گھر میں آئے ہیں۔

انہوں نے کہا کہ مریم نواز کو تو بی کلاس کی آفر ہوئی لیکن انہوں نے کہا میں عام قیدیوں کی طرح رہنا چاہوں گی۔

وزیراطلاعات پنجاب نے کہا کہ خان صاحب زہر دینے والی بات مت دہرائیں آپ کو یاد ہوگا میاں نواز شریف کے ساتھ آدھی رات کو نیب آفس میں کیا ہوا؟

اپنا تبصرہ بھیجیں