2018 میرا مشکل ترین سال تھا جس میں 90 فیصد پیسے سمیت بہت کچھ کھویا: آغا علی

معروف اداکار و میزبان آغا علی نے انکشاف کیا ہے کہ سال 2018 ان کی زندگی کا مشکل ترین برس تھا جس میں انہوں نے کافی کچھ کھودیا۔آغا علی اور اداکارہ امر خان نے حال ہی میں نجی ٹی وی کی رمضان ٹرانسمیشن میں بطور مہمان شرکت کی جس میں دونوں اداکاروں نے اپنی زندگی کے مختلف پہلوؤں پر گفتگو کی۔اداکار نے بتایا کہ 2018 ایک ایسا سال تھا جس میں انہوں نے اپنے 90فیصد پیسہ ایک جگہ انویسٹ کیا تھا اور وہ پیسہ ڈوب گیا۔آغا کا بتانا تھا کہ اسی سال ان کا ایک کافی قریبی رشتہ (رومانوی سطح کا) بھی ٹوٹ گیا تھا، 99 فیصد لوگ انہیں برا بھلا بولتے تھے اور وہ خود کو سوشل میڈیا پر بطور ولن ہی دیکھا کرتے تھے، ان کا وزن بھی کافی حد تک بڑھ گیا تھا۔آغا علی نے مزید بتایا کہ پھر انہوں نے 2018 میں عمرہ ادا کیا اور آہستہ آہستہ ان کے معاملات سدھرنے لگے تھے، انہوں نے اس دوران اللہ کو خود سے بہت قریب پایا، عمرہ ادائیگی کے بعد ان کے جینے کا طریقہ اور زندگی سے متعلق خیالات بدل گئے تھے۔خیال رہے کہ اداکار آغا علی اور اداکارہ سارہ خان ایک رومانوی تعلق میں تھے، لمبے عرصے تک ایک ساتھ رہنے کے بعد دونوں میں علیحدگی ہو گئی تھی۔2020 میں کورونا وائرس کے لاک ڈاؤن کے دوران آغا علی نے اداکارہ حنا الطاف کے ساتھ خاموشی سے نکاح کر لیا تھا، اس کے علاوہ سارہ خان نے گلوکار فلک شبیر سے 2020 جولائی میں شادی کی تھی۔

اپنا تبصرہ بھیجیں