سعودی عرب: وزٹ ویزے پر مکہ مکرمہ میں داخلہ بند

سعودی عرب میں دنیا بھر سے عازمین حج کی آمد کا سلسلہ جاری ہے، حکومت نے عازمین کی سہولت کے لئے مثالی انتظامات کئے ہیں۔

غیر ملکی ذرائع ابلاغ کے مطابق سعودی وزارت داخلہ نے وزٹ ویزے پر مکہ مکرمہ میں داخلے پر پابندی عائد کردی ہے۔

سعودی وزارت داخلہ کے مطابق صرف حج ویزہ رکھنے والے افراد ہی مکہ مکرمہ میں داخل ہو سکیں گے، اس کے علاوہ کسی بھی قسم کے وزٹ ویزہ کے حامل افراد کو مکہ مکرمہ میں داخلے کی اجازت نہیں ہوگی۔حکام کا کہنا ہے کہ حج سیزن کے باعث 23 مئی سے 21 جون تک وزٹ ویزے پر مکہ مکرمہ میں داخلے پر پابندی عائد رہے گی، مزید ہدایت کی گئی ہے کہ مکہ مکرمہ میں وزٹ ویزے پر موجود افراد فوری طور پر وہاں سے نکل جائیں۔