چھینا جھپٹی میں عوام کا قتل ناقابلِ برداشت ہے، آئی جی سندھ


انسپکٹر جنرل (آئی جی) سندھ پولیس غلام نبی میمن نے کہا ہے کہ چھینا جھپٹی کے واقعات میں عوام کا قتل ناقابل برداشت ہے۔

کراچی میں آئی جی سندھ کی زیر صدارت اجلاس ہوا، جس میں شہر قائد میں اسٹریٹ کرائم کی صورتحال پر غور کیا گیا۔

انہوں نے کہا کہ دوران ڈکیتی مزاحمت پر کلنگ میں اضافہ ہوا ہے، ڈکیتی مزاحمت پر قتل یا زخمی ہونے کے واقعات کی تفتیش ماہر افسر کو دی جائے۔

غلام نبی میمن نے مزید کہا کہ موقع واردات پر ایس ایچ اوز اور آئی اوز بروقت پہنچیں گے، کرائم سین یونٹ بھی تمام تر شواہد کو محفوظ بنائے گا۔

آئی جی سندھ نے یہ بھی کہا کہ اسپیشل آئی اوز اور انویسٹی گیشن افسران کی فہرستیں ایس ایس پیز کو دے دی گئیں۔

اپنا تبصرہ بھیجیں