ایران: 2 پولیس ملٹری پوسٹوں پر حملہ، 8 دہشتگرد ہلاک، 5 اہلکار جاں بحق

— فائل فوٹو

ایران کے شہر راسک اور چاہ بہار میں بیک وقت 2 پولیس ملٹری پوسٹوں پر دہشت گردوں نے حملہ کر دیا۔

ایرانی میڈیا کے مطابق پولیس ملٹری پوسٹس پر حملے میں ملوث 8 دہشت گرد آپریشن میں ہلاک کر دیے گئے جبکہ 5 سیکیورٹی اہلکار جاں بحق ہو گئے۔

ایران کے نائب وزیرِ داخلہ برائے سیکیورٹی و پولیس امور ماجد میر احمدی نے کہا ہے کہ چابہار اور راسک میں بیک وقت ہوئے جیش العدل کے حملے کو مکمل ناکام بنا دیا گیا ہے۔

انہوں نے یہ بھی کہا ہے کہ حملے میں ملوث تمام دہشت گرد آپریشن میں مارے گئے ہیں، جیش العدل کا حملہ ناکام بنانے کے آپریشن میں 5 سیکیورٹی اہلکار بھی جاں بحق ہوئے ہیں۔

اپنا تبصرہ بھیجیں